آخر ما كتبه أحمد فؤاد نجم

طاطي رأسك طاطي طـــاطي
أنت ف وطن ديمقراطــــي
أنت بتنـــعــــم بالحـرية
بس بشرط تكون مطاطــــي

لما تكون شغــال بذمــة
خايف على مصــلحة الأمـة
شغلك يطلع من غير لازمــة
علشان مبيعلاش غير واطي
طاطي راسك طاطي طاطــي
أنت ف وطن ديمــــقراطي

لما حاميها يكون حراميــها
وبلاده ورا ضهره رامـيـها
طالع نازل واكل فيـــــها
مسنود بالبدلة الظباطــــي
طاطي راسك طاطي طاطـــي
أنت ف وطن ديمـــــقراطي

لما شــقاك يصــبح مش ليك
فقرك سد السكة علـــــيك
تتلفّت تلــــقى حـوالــيك
إما حرامي و إما عقــــاطي
طاطي راسك طاطي طاطـــي
أنت ف وطن ديمقراطــــي

لماتلاقي بـــلاد الـدنـيــا
فيها البني آدم حــــاجة تانية
وأنت في الطبقات الـــــدنيا
قرد مسلسل أو وطواطــــي
طاطي راسك طاطي طاطـــي
أنت ف وطن ديمقراطـــــي

لما الجهلة يبــقوا أمــامــك
أو فوقك ماسكــين ف زمامك
ويسوقك ع الهــلكة إمامك
تشرب م السم السقـــــراطي
طاطي راسك طاطـــي طاطي
أنت ف وطن ديمقـــــراطي


لمـــا الكلــمة تكون بتدينـك
لما تخبي ف قلـــبك دينــك
لما الذل أشوفه ف عيـــــنك
هات إحباطك على إحباطــــي
طاطي راسك طاطي طاطـــي
أنت ف وطن ديمقراطــــــي
أنت ف وطن ديمقراطــــــي

bravo!!! il es toujours en forme ce najm